Vertajte ša domu, vy, rodaci našy, Tu do Orjabiny, de koreni vašy. Čudžyna vam ščešča dati už ne v siľi, prichoďte dodomu, de ste ša vrodili. Derevjanych chyžok jest išči po seľi, čekajut opravu i novych žiteľiv.
(PhDr. Žaneta Štefaniková)
Aktuality
RUSAĽA
23.05.2021
Rusaľa sut jeden z najvyznamnišyj švat vychodnoj kresťanskoj tradicii. Byli tri švatočny dny. V 50.deň po Paschi byv zoslanyj Duch Svjatyj na apoštolyv (Sošestvije Svjataho Ducha). Je to deň zrodu Cirkvi. Na toty dny ša ľude pripravovali tym, že intenzivniše robili na poľu, okopavali, žeby jim za tri dny všytko nezaroslo. V predvečir švata ozdobovali domy, izby, ploty, ale i cerkvi zelenyma vetvičkami. Zelena symbolizyje Ducha, žyvot, a zato i duchovnyj otec majut oblečeny zeleny rizy.