JARABINA - ОрябинаOFICIÁLNE STRÁNKY OBCE

Aktuality

Pietny akt kladenia venca 8.5.2021

09.05.2021

		KONEC VEĽKOJ VOJNY

		Dnes si pripominame jeden z najznamijšych dnyv švitovoj historii, kotryj ša do švitovych modernych dejin zapisav jak Deň viťazstva nad fašizmom v Europi. 8.maja pred 76 rokmi ša v Europi skončyla najhrša vojna v dejinach ľudstva. Trvala 6 rokyv a zučastnilo ša na nij 70 štatyv švita s bojovym nasadžiňom 110 milionyv vojakyv. Ľudsky straty na žyvotoch predstavovali okolo 50 milionyv ľudiv a okolo 35 milionyv bolo ranenych. Z našoho okresu padlo 203 občanyv. Materialny vojnovy škody na Slovensku predstavovali 115 miliardy Kčs. 103 sel bylo uplni a 550 čiastočni vypalenych. Našlo ša 137 masovych hrobyv. Stovkam milionyv obyvateľom na cilym šviťi sposobila nevyslovne uterpiňa a nevyčisliteľny škody. Byla to vojna dvoch rozdielnych ideologickych a myšlienkovych švityv. Vojna, na kotroj začatku stojali expanzivny plany fašistickoho Nimecka a jeho spojenciv a na koncu mnohomilionovy ľudsky žyvoty a materialny straty. Len vďaka obrovskoj snahy zmobilizovanych protifašistickych a demokratickych sil švita ša podarilo poraziti fašisticku vojnovu mašineriu a tak zachranity ne len europsku ale i švitovu civilizaciu pred zničiňom. Na oslobodžovaňu našoj vlasti ša podiľala hlavni sovietska armada, 2.Ukrajinskyj front pyd veliňom maršala Malinovskoho a 4.Ukrajinskyj front pyd veliňom armadnoho generala Petrova, 1. čs. armadnyj zbor sformovanyj v ZSSR pyd veliňom generala Svobodu, 1. a 4. rumunska armada, 1. čs. armada na Slovensku a okolo 8. tišič pridlušnikyv inšych narodnosti kotry bojovali v partizanskych jednotkach na Slovensku. Slovaci statočni bojovali proti nacistickoj hrozbi na bojiskach v Europi, Azii i Afriky. Nemožeme zabyti, že v boji za osud civilizacii zvyťazili zakladny ľudsky hodnoty.

		Važme si odvahu, obetavosť a statočnosť našych predkyv. Vičnaja jim pamjať!

		Akt kladžyňa vinca v Parku mieru v seľi Orjabina. 8.maj 2021, počas celošvitovoj pandemii (COVID-19).